Tilbake

Han reid på ein skammel

NORSK ORIGINAL

Han reid på ein skammel. Trollkjerringar reid på soplimar. Dei kunde og greida seg med ein skammel. Eingong var det ein glunt som tenkte lura til seg kunsten. Han var dreng på garden og lurde seg etter kjerringa og fekk sjå korleis ho bar seg åt. Så skulde han sjølv gjera ein freistnad. Men då det bar til, hadde han gløymt dei rette orda. Då han hadde fått smurt og sett seg til skrevs over skammelen slik som trollkjerringa gjorde, så sa han: "Upp og ned og fram!" Dette var gale sagt, for skammelen tok til å fara upp og ned, så det var berre så vidt drengen berga livet, til kjerringa fekk høyra ståket og kom og berga honom.
Informasjonom sagnet og kilden