Tilbake

Marsteinsflyttarar.

NORSK ORIGINAL

Marsteinsflyttarar. Dei heldt det for noko serskild stygt aa flytta marsteinar. Ein slik mann saag dei ned paa alle. Dersom det ikkje vart opendaga, so laut han gaa att og bera paa steinen. Framme med merke millom Skarestad og Skeide var det piskeri. Dei saag stundom ein mann som var so undarleg klædd. Han stod med nevane paa ryggen og saag uppetter merkesgarden. Stundom saag dei ein mann som stod og grov nedi moldi etter marsteinen. På Hauga-myri saag dei stundom ein mann i knebuksa og raud trøya. Han for og dragsa paa ein stein um nettene. Paa Maalsnes var det ein som for og toksa og flytte paa ein marstein. Eingong ropte han so illherveleg: "Hjelp, hjelp!" Ein mann som trefte til aa gaa etter vegen nett nedum, svara: "Du skal faa hjelp, ja." Men daa han kom upp, var daudingen burte. Dei vilde ha det til at gamle skrivar Brandrup paa Sande hadde flytt marstein. Han fekk ikkje fred etter han var død. Eingong raaka ein mann han daa han kom slitande med ein merkestein under armen.
Informasjonom sagnet og kilden