Tilbake
Sitering
Kort referanse
Mastermo-Teppo. Norske sagn, ID 53319. https://www2.hf.uio.no/eventyr_og_sagn/index.php?id=53319
Utvidet referanse
Mastermo-Teppo. Norske sagn, ID 53319. ML category: ml3040 (Trollkjerring kinner smør). Collector: Ragnvald Mo. Place: Salten. County: Nordland. Archive signature: NFL 69, s. 99f. Digital source: https://www2.hf.uio.no/eventyr_og_sagn/index.php?id=53319 Explorer record: https://ul-dhc.github.io/norwegian-folk-legends/legends/53319/
Mastermo-Teppo
NORSK ORIGINAL
Mastermo-Teppo.
Eg minnst ho mor tala om ei kjerring som var så sterk å
rona. Dei kalla henne Mastermo-Teppo. Ja, det må ha vore
ei av rette ulla.
Det var ein dag ho hadde sagt seg til reisa bort. Ho hadde
ei terne i huset, og ho vart no sett til heimestyrar. Men
innan kjerringa forlet, sette ho terna til å kinna.
"Du ska ha eit sjeibla ryme i kjinno, men inkj meir, da
må du minns!"
Jaha. Kjerringa fór, og vekja gjorde som ho var tilsagd.
Men rymen ho let i kinna, var jamgodt med inkje, syntest
ho. Berre eit lite skvakk etter botnen, just så det vistest
kvitt på tverspjeldet. Var så etter rymedallen og hadde i
kinna to skeiblad til.
Men dette kom ho seg ikkje vel ifrå. Fyrst vekja hadde
sett seg åt kinna, la rymen til å svell opp, så kinna vart
breidd full. Vekja etter eit kjørel og auste or. Men det hyra
inkje. Så etter eit til, og slik gjekk det no unna for unna,
til dess ho inkje hadde meir å ha i. Det tok då til å bera i
golvet med rymen. Men vekja gjorde seg hard. Sluttpå var
ho standande i ryme til knea. Men då slutta det å flø or
kinna.
Just i det same vekja hadde fått smør av det som var i
kinna, kom matmor hennar drivande, sint og a'baska.
"Du ha kjinna, ser e,"
"Ja," sa vekja. Ho visste ho hadde gjort gale.
"E sa da me de, du skull inkj ha meir hell eitt sjeibla i
kjinno. Da e persing nok å sank ryme i eitt kongerike. Du
ha no drev me jønno tre."